نصح المريض بالتقرب من الله

 


السلام عليكم ويارب جميعاً بخير .

من واقع التجربه و ضرورة التنبيه رسالتنا النهارده للمحيطين بالمريض أو المضطرب النفسي .

نصح المريض بالتقرب من الله بطريقة ( قرب من ربنا وانت هتخف أو قربله وكل حاجه هتبقي تمام ) ليس من الأمور المحمودة اطلاقا وخاصة في بعض الأمراض مثل الاكتئاب و الوسواس القهرى ويجب التوقف عنها و تجنبها لأن 👇

المرض اظطراب في كيمياء المخ، وليس بعدا عن الله وإن كان القرب من الله عامل مساعد ومصدر قوي للمرونة النفسية وتخطي الأزمات لكن الكلام بالشكل ده

بيحسس المريض بالذنب و العجز اكتر وهو في غني عن الشعور أو الاحساس ده

( هو بيكون عارف وعايز يقرب من جواه غالبا لكنه مش قادر فعلا.)

ويجب استخدام الطرق السليمة في التشخيص و العلاج والتى تتطلب الدرايه الكبيرة بتفاصيل المريض سواء قبل كده أو حاليا واستخدام وسائل العلاج المختلفة و الفعالة من جلسات cbt او علاج معرفي سلوكي او الدواء لدورة الكيميائي

وبفضل ربنا بيتم التحسن بسبب التوازن الكيميائي و الجلساتي والروحاني .

تدريب الاهل من خلال الارشاد الأسري من الأمور الواجب اتباعها عند التعامل مع مثل هذه الحالات لتجنب أفعال او كلمات بتتم أو بتتقال بحسن نيه لكن بيكون لها اثر سلبي علي المريض .

اتباع العلم وتعليمات الطبيب أو المعالج هو الطريق الأصوب و الأقرب لسلامة المريض باذن الله .

#توعية_اعادة_تشخيص_استخدام_طرق_ممزوجه_بين_الدواء_والجلسات .

دائما في خدمتكم ❤️

°° د.هشام الشافعي °°

اخصائي الطب النفسي وعلاج الادمان .

 

تعليقات

المشاركات الشائعة من هذه المدونة

اضطراب الاعراض الجسدية النفسية

الفصام ( الضلالات الذهانية بين الأطباء و الشيوخ )